29

اداکارہ ماہرہ خان نے اپنے جگر کے ٹکڑے سے متعلق مداحوں کو بتا دیا

لاہور: (ویب ڈیسک) پاکستان کی خوبرو اور معروف اداکارہ ماہرہ خان نے اپنے جگر کے ٹکڑے سے متعلق مداحوں کو بتا دیا۔

تفصیلات کے مطابق سوشل میڈیا پلیٹ فارم انسٹاگرام پر اداکارہ ماہرہ خان نے میک اپ آرٹسٹ بابر ظہیر کو ان کی سالگرہ پر خاص ویڈیو پیغام کے ذریعے مبارکباد پیش کی۔

اداکارہ کی جانب سے بابر ظہیر کو بھیجے گئے ویڈیو پیغام مبارکباد کے ساتھ پوسٹ بھی شیئر کی گئی۔

پوسٹ میں ماہرہ کا کہنا تھا کہ میرے جگر کا ٹکڑا میرا بابر! تم واقعی جانتے ہو کہ تم میرے لیے کتنے اہم ہو، میں شکر گزار ہوں کہ ہم ایک دوسرے کو ملے۔ میری دُعا ہے کہ ہماری یہ دوستی محبت، مسکراہٹ، عزت ،رقص اور موسیقی سے بھری رہے۔

یہ بھی پڑھیں: گوگل نے ماہرہ خان کو زارا نور عباس کی والدہ بنا ڈالا

آخر میں ماہرہ خان نے بابر ظہیر کو سالگرہ کی مبارکباد دیتے ہوئے کہا کہ میں ہمیشہ آپ سے محبت کرتی رہوں گی۔

دوسری جانب بابر ظہیر نے ماہرہ کی پوسٹ پر کمنٹ کیا کہ میں الفاظ میں بیان نہیں کرسکتا ہوں کہ میں آپ سے کس قدر محبت کرتا ہوں۔

خیال رہے کہ بابر ظہیر پاکستان شوبز انڈسٹری کے معروف ہیئر اسٹائلسٹ اور میک اپ آرٹسٹ ہونے کے ساتھ ماہرہ خان کے بہت اچھے دوست بھی ہیں۔

اس خبر پر اپنی رائے کا اظہار کریں

اپنا تبصرہ بھیجیں